學堂日常: 【靈擺調頻改善人際關係】個案分享

靈擺除咗可以用嚟尋找水源、礦物、石油、失物同問Yes/No Question外，重可以用嚟調頻，應用於提升人際關係效果尤其顯注。呢次個案嘅主人翁就係因為喺公司與同事唔咬弦，搞到對公事有好大影響外，連自己嘅情緒同精神都受到極大困擾。

案主喺現實生活中並冇對同事直接做過任何溝通，仍然如常返工返工唔Say Hi唔Say Bye，經過調頻之後嘅某一日，神奇嘅事發生喇！同事竟然主動走埋去搵案主約食Lunch，而呢餐破冰Lunch讓佢哋發現，原來彼此之間係可以有共同話題，雖然唔算得上話成為咗好朋友，但係絕對改善咗工作氣氛，提升咗公司氣場，工作效率亦都大大提高。

喺用靈擺調整人與人之間喺關係上，亦都要堅守一啲道德性原則。首先，對方要係你認識嘅人，例如姜B根本唔認識你，而你走去調你同佢之間嘅關係，佢係唔會因為咁而無啦啦打電話畀你囉！另外，如果係用於愛情方面，記住對方要係單身人士，唔好自己做小三，諗住走去調到人哋成雙成對嘅分手收場而自己就做正印，唔道德嘅事宇宙係唔會畀你得逞架！