每個人都曾經有過受創傷嘅時候，有啲創傷就算已經過咗去好耐，但留吓嘅陰影都會一直纏繞住自己，呢個時候，【阿卡西紀錄】永遠係最好嘅良伴。
幾年前我受過嚴重嘅精神、心神同埋情緒創傷，係因為當時曾經被一個前僱主欺壓得遍體鱗傷，透過身心靈嘅幫助，雖然已經好番好多，但偶爾間仍然會發惡夢，原來心理陰影面積都重有一大塊，我嘅問題係，現世嘅我曾被姓M呢條友欺壓得咁痴線，同我嘅祖先有乜嘢關聯？
得到的訊息係：遣責、懲罰。
喺我祖先嘅世代，姓M嘅曾經搜掠去大遍土地，摧毁我姓（T）嘅家園，呢個係很多代很多代的嘅事，係姓M和姓T呢個族群之間嘅紛爭。
姓M嘅驕傲自大，視姓T嘅如草蟻，呼喝、奴役。
又過咗好多世代，姓M嘅想起自己嘅先祖如此殘暴，想跟姓T嘅言好，姓T嘅亦言聽計從。
現實生活中我知道嘅，去到我阿爺個阿爺嗰代，有一姓M嘅識尋龍點穴，喺我鄉水壩旁搵到一塊風水墓地，佢出力我嗰個太公出錢，就同嗰個姓M嘅合葬，睇嚟來好似幾唔錯錯，似化解咗TM兩族嘅恩怨，但可惜嘅係，每次都係是姓M的嘅後人先去拜祭(我哋姓T嘅只兩年一次回鄉拜祭，呢幾年亦都因為疫情而冇回鄉，我哋呢家冇人番去拜，就唔會有姓T嘅去拜)，之前每次我哋番去拜祭，姓M嘅總是先比我哋早不知幾多日去到，清理好，修飾好。阿卡西記錄顯示嘅就係因為咁樣，造成姓M嘅繼續要搶喺姓T嘅前頭。
我又問，姓T嘅咁麼多後人，嗰件姓M嘅又唔係呢個姓M嘅直系祖先，而我阿爺又係買番嚟嘅，所以我都不是嗰個姓譚嘅太公嘅直系子孫，點解這業力會落到我哋兩個身上？
得到嘅訊息話呢個係一個姓氏族群嘅業力，並非只關於係唔係直系祖先嘅問題。姓M嘅同姓T嘅走埋一齊，就會產生呢個M大T弱嘅關係。
我繼續問，姓T嘅有咁多人，就算我屋企裡都有其他姓T嘅人，點解要係我會遇上佢？點解偏偏係我要被佢欺負？
訊息話喺我們的命途會遇上好多人，然而，遇上對方喺阿卡西紀錄嘅場域中係一件有佢意途嘅事，你喺呢世遇上佢，係要讓你學習去面對你哋家族留落嚟嘅呢個業力。因為你有能力去破除呢個不公平嘅狀況，喺經歷過傷害之後，你就可以更強大起嚟，擺脫呢個業力。當你做到心靈上比佢更強大時，呢個業力自然會解除，日後，姓M和姓T之間亦唔會有呢個階級欺壓嘅問題出現。
我再問，幾年前嘅欺壓真係讓我想過去死，雖然已過咗幾年，當中花咗一年幾嘅時間去療傷，而家看似康復咗，但偶爾都係會發惡夢，心理陰影面積重係會有，我可以點樣透過阿卡西紀錄療癒我自己喺呢個關係上所受過嘅傷害？
得到嘅訊息好有趣，係我從冇想過嘅。我一直都認為、亦知道，要嗰條友破產、坐監、身敗名裂等等，根本冇可能， 咁就只有祈求老天爺開眼，讓條友生Cancer生乜都好但又捱好耐都死唔去，讓條友受盡折磨，咁我就真係飲得杯落大仇得報熱烈地彈琴熱烈地唱喇，就算我死先過條友我都要晚晚去叫條友起身痾夜尿。
然而，阿卡西紀錄竟然畀咗我寛恕二字，我心想，開玩笑！要我寛恕條友勢係假，我打從心底裡就日望夜望個天幾時會收佢，睇佢幾時死！
然後，再收到嘅訊息係，我哋唔可以改變他人，但可以善待自己，活好自己，強大自己，顯示你嘅能力，喺某一天，佢反而要向你卑躬屈膝的話，咁你自然可以快慰過來。
所以，要向你認為正確嘅道路走，堅持落去，喝個目標就可成喇。
我一直以為，只要見到條友折墮，到嗰日我就可以釋懷，但原來阿卡西紀錄話畀我知，就算條友有幾黑仔有幾折墮，我亦都未必可以真正被治癒，因為條友折墮只是佢自己嘅事，與我無關，反而係要將我自己變得強大，要比佢強，讓佢喺我腳下做我嘅蟻民，咁樣才至可以真正治癒我精神上同心靈上嘅創傷。
我肯定，我而家選擇走呢條靈性嘅道路係正確嘅，終有一日，佢情願又好，被迫又好，總會跪倒我跟前，舔我鞋底！
呢次嘅閱讀，可能會有人認為是天花亂說，但，起碼喺我心靈上已為自己治療咗一點點。我總認為，各種玄學術數、身心靈方法絕不迷信，也唔神奇，更不涉及鬼神之說，統統都只係工具，係一門精密嘅科學、統計學、精神學、心理學，訊息係真係假，我唔介意，於我嚟月講，最終目的亦都係治療人心，這點，我為自己做到咗喇。
後記： 祖先業力講嘅未乜只係代表有血脈嘅親人族群，而同一靈魂族群都包括在內，所以，同一姓氏亦算佢哋本身係冇血緣關係，亦都係一個族群，亦都算喺祖先群組之內。
祖先業力真係存在？
呢次閱讀後喺網上搵到資料，重慶石柱土家族自治縣，有一句咁樣嘅俗語。 「T三千，M八百，Y家的女婿惹不得。」 偏偏又係要將姓T同姓M嘅拉埋一齊講，但可幸的是，姓T嘅有三千，姓M嘅只八百，到頭來都是姓T嘅嬴。
另外，2020年有咁樣嘅一則新聞，大陸女星T的母親喺2018年年底遭酒駕者M姓男子撞死。 那你話，雖然冇直接祖先關係，呢個姓氏族群業力係有定係冇？
